دخول العالم الجديد(4)

دخول العالم الجديد (4)

فتح جاك الباب وكان هناك شخص......
الشخص : اوه لا بد باني اخطأت الغرفة انا اسف
جاك : مين انت
الشخص : انا...
قاطعتهم هيروكا : ادخل.....ليه جيت؟
الشخص: اذا انا لم اخطئ بالغرفة
دخل الشخص الغرفة وتوجه لهيروكا
الشخص: احضرت لكي رسالة من......
قاطعته هيروكا : ايه عرفته من غيره وأخذت الرسالة
الشخص ملوح بيده : حسنا سأراكي في التمرينات وطلع الشخص من الغرفة و وضعت هيروكا الرسالة على الطاولة
جاك : مين هذا ؟ وليه يتكلم بالفصحى ؟
هيروكا وهي تدخل السكاكين والمسدسات والاسلحة في ملابسها =___= : كل الي بهذا العالم يتكلمون كيذا..... وهم بالاصل ما يتكلمون فصحى بس انت تسمعهم يتكلمون فصحى
جاك : طيب.......امممم احنا بنروح حرب؟؟؟؟
هيروكا : لا ليه وش هذا السؤال ؟
جاك : لا بس شفتك تأخذين مليون سلاح
هيروكا : لا هذا مو كثير هذا الاسلحة الاعتيادية الي اخذها دايما
جاك =___= : اذا هذا مو كثير اجل كيف الكثير
: المهم وش سالفة الرسالة
هيروكا : ايه صح نسيت أخذت الرسالة من على الطاولة
بعد ما قرأت هيروكا الرسالة شقتها ( مزقتها ) ورمتها بالزبالة
جاك استغرب : وش كان مكتوب
هيروكا : مو شي مهم ..... و اسمع في شي لازم اسويه قبل
جاك : طيب.....انا بنتظرك برا
هيروكا : طيب بس بأخذ رشاشي ونطلع
جاك ما تفاجئ لما قالت كيذا لما طلع من الغرفة شاف البيت مرة كبير وفخم زي حق الامراء و الاغنياء
جاك : وااااو هيروكا انتي..................غنية ؟
هيروكا عند باب الغرفة : لا بس مليونيرة عادي مو غنية مرة
جاك : ملـ..يو..نيرة
هيروكا : يلا نمشي
جاك : لـ......لحظة قلتي مليونيرة
هيروكا : ايه ما تسمع
جاك بنفسه : تستهبل ذي مليونيرة وتقول مو غنية
سمعته هيروكا وضحكت
نزلوا هيروكا وجاك من الدرج كان في شخص تحت
الشخص الي كان تحت انحنى : مرحبا سيدتي ان دراجتك جاهزة والبضاعة قد وصلت
هيروكا : وين حطيتوها ؟؟
الشخص : في المخزن سيدتي
هيروكا : طيب خلوها بالمخزن لما ارجع بشوفها
الشخص : حاضر سيدتي
:وهل اجهز غرفة للسيد جاك
هيروكا : لا مو لازم ما بيقعد هنا
جاك : هيي كيف عرفت اسمي
هيروكا : انا قلتله
جاك : مين هذا
هيروكا : كبير خدمي ميكي
جاك : كمان عندك كبير خدم
هيروكا : طبعا لازم ..... المهم يلا لازم نروح الحين
طلعوا هيروكا وجاك من البيت وكان في دباب الي بكفرين <<< اهم شي

هيروكا ركبت على الدباب وتناظر جاك : بتقعد واقف كيذا طول اليوم اركب خلصني
جاك : هااه لا سرحت شوي هاهاها
بعد ما ركب جاك اعطت هيروكا جاك خوذة : امسك البسها
جاك : لا انا ما ألبس هذي الاشياء <<< خف علينا يا الرجال
هيروكا : مو لازم............متأكد هااه
جاك : أيه متأكد
فجأة سرعت هيروكا بالدباب وطاح جاك على ورى على وجهه
جاك : شفتي دايما اطيح على وجهي لما اكون معك
هيروكا بابتسامة عريضة : مازلت ما تبي الخوذة
جاك ووجهه عليه خطوط : عطيني الخوذة السخيفة أخذ جاك الخوذة وهو متنرفز وركب وراحوا
وصلت هيروكا لمدرسة ثانوية دخلتها هيروكا بالدباب طبعا وكان فيها ملعب كورة قدم امريكية كان فيها لاعبين يتدربون و شاف جاك واحد منهم الشخص الي اعطى هيروكا الرسالة
جاك : هذاك الي عطاك الرسالة يعني انتي تلعبين......كورة قدم امريكية
نزلت هيروكا : اعتقد مو لازم ارد كل شي واضح
جاك بنفسه : تستهبل ذي تلعب كورة قدم امريكية
التفتت هيروكا له : واذا يعني عشاني بنت ما يصير العب كورة يعني بس الاولاد الي يلعبون كورة
جاك : لا ما قصدي كيذا ضرب جاك راسه : نسيت انك تسمعيني....لا هيروكا ما كان قصدي كيذا قصدي هذي لعبة عنيفة وانتي بنت يعني ما يصير
هيروكا : ليه ما يصير يمديني اكسرهم كلهم واذا عشاني بنت اقدر اتحول ولد وخلاص
جاك : هاااه تتـ...حولين
هيروكا : هذي وحدة من قدراتي
كملت هيروكا طريقها للملعب و جاك وراها
وصلت هيروكا عند المدرب الي كان ماسك رشاش ويطلق على اللاعبين بس ما يطلق عليهم يطلق جنبهم عشان ما يوقفون ويصارخ طبعا
هيروكا تصارخ : هيي ما تقدر تسوي أي شي بنفسك
المدرب : وانتي الا تستطعين عمل شي دون السؤال عنه
هيروكا وصلت عند المدرب : لا للاسف ما اقدر

المدرب : لقد هاجم ثلاث من اللاعبين
هيروكا : أي ثلاثة
المدرب : الاخوان الثلاثة
صوت من بعيد : نحن لسنا اخوة
هيروكا : احسن يستاهلون
المدرب : اعلم انهم يستحقون لكن هذا يجعلهم يظنون باننا نتقبل بهذا
هيروكا : اوووف بجيبه عندك وانت سوو الي تبيه فيه طلع روحه اذا تبي
وراحت هيروكا وهي متنرفزة
جاك : هذا الي ارسلك الرسالة صح.....هذا رئيسك
لفت هيروكا لجاك : رئيسي تستهبل هذا بالله يصير رئيس ولا حتى تفكر انه رئيسي محد رئيسي انا رئيسة نفسي
جاك : طيب ليه يطلب منك تسوين اشياء
هيروكا : لاني انا كمان مدربة الفريق وهذا شي لازم
تسويه المدربة بس انا سألته لاني ما احب اسوي الي بسويه بس ما انكر ان مرات
استمتع وانا اسويه
جاك : طيب وشو الي بتسوينه
هيروكا : جاك انت ما تلاحظ انك تسأل كثير ما تتعب
جاك : لاني اول مرة ادخل هنا انتي كمان لما اول مرة دخلتي هنا كيف كنتي
هيروكا : كنت عادي لاني كنت منتظره العالم
جاك : منتظرته ..... يعني كنتي تعرفين
هيروكا : بقولك كل شي بعدين خلني اخلص هذا اول
جاك : يا ذا البعدين ....طيب
ركبوا الدباب وراحوا لمدرسة ثانوية تخوف وكأنها مسكونة
جاك : في احد داخل اصلن
هيروكا : ايه طبعا
دخلت هيروكا وجاك وراها و وصلت هيروكا لباب من ابواب الثانوية
جاك : يمكن مقفل
هيروكا ركلت الباب وكسرته وجاك هذي المرة ما استغرب كمان <<< الاخ تعود

دخلت هيروكا وكان في اشخاص داخل
هيروكا تصارخ : من منكم الي انا ادور عنه
واحد من الاشخاص بابتسامة شريرة : وكيف تريدين ان نعرف من تبحثين عنه
امسكت هيروكا الشخص من قميصه وهي معصبة : انتم تدرون من الي انا ادور عنه
كانت هيروكا بتضرب الشخص خاف واشار على شخص ثاني : لقد كان هو
الشخص الثاني يصرخ : ايها الخائن
تركت هيروكا الشخص وطاح على الارض
ومشت عند الشخص الثاني قبل ما تمسكه جا مدربهم الي يده طويـــــــلة ومدها قدام هيروكا
المدرب : ما الذي فعله هذه المرة
هيروكا : ضرب ثلاثة من لاعبين فريقي
لف المدرب راسه للشخص : هل هذا صحيح
لف الشخص راسه وما رد وابعد المدرب يده
المدرب : حسنا عندما تنتهين اعيديه وحاولي المرة الثانية الا تكسري الباب عند دخولك فهو مفتوح
هيروكا : بحاول..........و لا تكون واثق اني برجعه
وسحبت هيروكا الشخص وهو يصرخ : لا ارجوك لم اقصد لا هيروكا لا لم اقصد.... ايها المدرب سااعدني
هيروكا :اسكت اذا انت ما كان قصدك ليه ضربتهم
الشخص : هم الذين بدؤ
وضربت هيروكا راسه بقوة الا ان اغمى عليه
هيروكا : ادري ان هم الي بدؤ
جاك : اذا انتي تدرين ان هم الي بدؤ ليه بتاخذينه
هيروكا : عشان يتعلم انه ما يقرب من فريقي
ومشوا الى الدباب وسحبت هيروكا مكان من ورا الدباب وصار في ثلاث اماكن في الدباب لهيروكا وجاك والشخص ركبوا وراحوا للمدرسة الي كانوا فيها اول
ونزلت هيروكا وحملت الشخص على كتفها وكان الملعب فاضي مافي الا المدرب راحت هيروكا عنده ورمت الشخص عنده وقام الشخص : اين انا
هيروكا : هذا هو جبته
المدرب ينظر لهيروكا : لم اقل لكي بان تحضريه الى هنا
هيروكا : انا قلتلك انا بجيبلك اياه وانت سوو الي تبيه فيه وانت الحين فاضي ما تسوي شي
المدرب : نعم لقد قلتي لي لكني لم اوافق وانا ما زلت اعمل
هيروكا : انا مو فاضية كمان
شاف المدرب جاك : هل هو ما يشغلك
هيروكا : مالك دخل
المدرب : اذا هل هو الشخص الجديد الذي يتكلم عنه سينا
التفتت هيروكا ومشت
المدرب : لقد نسيتي هذا الشي
الشخص : ماذا ؟!...اين انا ؟!... ما الذي يحدث؟؟!
هيروكا التفتت له مسرعة امسكت الشخص وبدأت تضربه وتضربه وتضربه

حتى خرج الدم من فمه و انفه ومازالت تضربه هيروكا حتى اوقفها جاك : هيروكا هيروكا يهزها هيروكا وقفي وش تسوين
وقفت هيروكا عن ضربه وكانت تناظر يدها : هااه وشو ؟! وش صار ؟!
جاك : هيروكا خلاص ليه تسوين كيذا
وقفت هيروكا و نزلت راسها : هذي اشياء لازم اسويها
جاك يصارخ : وشو الي لازم تسوينه......لا مو لازم
امسكت هيروكا يد جاك وسحبته وهي منزلة راسها ومشت......جاك
بنفسه : ما توقعت هيروكا تسوي كيذا ...... ليه تسوي كيذا اصلن .... ليه
تقول انه لازم مولازم تسوي اشياء هي ما تبي تسويها ما توقعتها كيذا ابد طبعا هيروكا كانت تسمعه وزعلت هيروكا لما سمعته يقول كيذا وصلوا عند الدباب جلست هيروكا على الدباب وسندت راسها على قدام بنفسها :
ليه كيذا ....ليه لما جا يصير كيذا ..... الحين يحسبني مجرمة واضرب الناس
...... ليه ما يفهم اني اقدر اسمع وش يقول بنفسه .... ليه ما يفهم ان هذا
الكلام يجرحني
وجاك كان واقف قدام الدباب ومتفاجئ لانه كان يقدر يسمعها بس هو توقع انه هي تبيه يسمعها.....هيروكا رفعت راسها : بتقعد كيذا طول اليوم
عرف جاك انها ما تدري ان هو سمعها وقرر ان ما يقولها وركب الدباب ورجعوا لبيت هيروكا
لما دخلوا
هيروكا : يلا الحين اسألني أي شي وا اقولك الحين بفهمك الي تبيه
جاك : اخيـــــــــــــــــــرا ما بغيتي
هيروكا : عاد شسوي كان عندي .... اشغال
دخلوا غرفة هيروكا وجلست هيروكا على السرير : يلا اسأل

سحب جاك كرسي وجلس قدام السرير : اولا من الاشخاص الي قابلناهم
:الي سلمك الرسالة من
هيروكا : لاعب في فريقي اسمه (سينا) وهو بطل الانمي هذا
جاك : طيب المدرب الي في فريقك من هذا
هيروكا : تقدر تقول عنه كمان بطل المسلسل اسمه (هيروما)
يشبه اسمي وانا وهو كنا اصحاب من الابتدائية بعدين صاحبنا كوريتا في
الاعدادية
جاك : يعني هذا الانمي من كانوا صغار ومن كورتا
هيروكا : مو كورتا يا حمار اسمه كوريتا وكوريتا واحد من فريقي وصديقي كمان
: و لا الانمي مو من كانوا صغار بس في له مانجا لما كانو صغار
جاك : لا تقوليلي حمار ..... ومن هذاك الي ....ضربتيه
هيروكا : لانك حمار......وهذاك واحد في فريق هابشيرا بس ما ادري وش اسمه
جاك : ومدربه الي يده طويـــــــــــــلة
هيروكا : هو نفسه هابشيرا ما ادري وش اسم الفريق نسيته مع ان لازم اعرفه
جاك :و بس خلصنا من الاشخاص

جاك بابتسامة : تدرين من يوم شفتك تطلعين من البوابة وانا احس اني مراقب ونفس الاحساس حسيت فيه تو ههههه بس تدرين بس احساس
هيروكا تناظره بنظرات غريبة : مراقب؟؟
جاك : ادري ادري انا مع نفسي
هيروكا : لحظة ؟!.... لا انت مو مع نفسك
قامت هيروكا من على السرير وفتحت اللابتوب الي
على المكتب وجلست على كرسي وفتحت فتحة في اللاب زي فتحة السي دي بس اصغر
وكانت فيها دائرتين صغار دخلت هيروكا اصبعها في عينها وطلعت العدسات تفاجئ جاك وكان
لون العدسات احمر فاتح ولون عيونها الحقيقية ازرق ودخلت العدسات في
الفتحتين الدائرتين وفتح ملف باللابتوب وكان داخل الملف 4 فيديوهات دخلت
الثاني وفتح الفيديو وكان في الفيديو اليوم الثاني في المدرسة في الصباح
عند باب المدرسة لما كانوا جاك وهيروكا يسلمون على بعض وقفت هيروكا الفيديو عند هذا المقطع وقربت الصورة 4 مرات وقامت من الكرسي وصرخت : son of bitch
جاك : O_o وانا شسويت
طلعت هيروكا تركض برا الغرفة وجاك مافهم شي ويطالع بالفيديو ما شاف شي بالمقطع الي وقفت عنده طلع جاك برا الغرفة يدور عن هيروكا نزل تحت طلع فوق دخل الغرف وبعضها كان مقفل طلع فوق بيرجع الغرفة طلعت وحدة من الخدم من الغرفة
الخادمة متفاجئة :من انت
جاك : انا جاك
الخادمة : اوه انحنت وكملت : اعذرني سيد جاك ولكن لم اعرفك من تحولك
جاك : تحولي ؟؟
الخادمة :انت تفعل هذا دائما لكن لن انخدع مجددا
جاك : لا الظاهر تحسبيني واحد ثاني
فجأة من خلف جاك سمع صراخ واشياء تطير وتصقع التفت جاك وشاف شخص يركض يطلع من الغرفة الي بجانب غرفة هيروكا والشخص يحاول يطلع من الغرفة وفي اشياء تطير عليه كرسي. طاولة. مكتب كل شي ممكن تفكر فيه عرف جاك ان هيروكا هناك
الخادمة وهي تناظر الشخص :سيد جاك تناظر جاك : اذن من انت
جاك التفت للخادمة : قلتلك انا جاك
الخادمة : هذا غريب اثنان من جاك ماذا فعلت سيدتي هذه المرة
وفجأة طلعت هيروكا من الغرفة تلاحق الشخص وهي ترمي عليه كل شي والشخص يضحك ويهرب وهي تصارخ : يا الكلب يا الحقير كم مرة قلتلك لا تسوي هذي الحركات البايخة وقفت هيروكا والشخص على الدرج وقف ويناظرها بابتسامة
هيروكا تصارخ : وللمرة المليون وش تبي
الشخص ببرود : مو مليون مستحيل تكون لـ......
قاطعته هيروكا وهي تصارخ : وش تبيييييي
الشخص ببرود : ما ابي شي بس ............ بس كنت خايف عليك
هيروكا تصارخ : شايفني حماره بصدقك
الشخص : شفتي اذا قلتلك ليه تكذبيني واذا ما قلتلك تضربيني وش تبيني اسوي
هيروكا تصارخ <<< ما تتعب

: اطلع برااااااا
الشخص : متأكدة انك تبيني اطلع
سكتت هيروكا لفترة وجاك كان يناظرهم ويتسائل من هذاك الشخص
هيروكا بهدوء : ايه متأكدة
الشخص : دام انك متأكدة بطلع........مع السلامة
وطلع الشخص وصار المكان هادي ودخلت هيروكا الغرفة وجاك وراها يبي يكلمها بس متردد واخذت هيروكا العدسات ولبستهم مرة ثانية
ودخل الشخص من الشباك وجاك يناظره وسكت عشان هيروكا ما تعصب بس هيروكا كانت تدري انه موجود..........

الموضوع الاصلي: http://www.nut-w.com/vb/showthread.php?t=28070#ixzz2HwN9mz6w

دميل يادميلة كاااوي .

واخيرا رجع نشآط المنتدى ^^
شكرا ياعثل عالموضوع الجميل ^^
انتظروا فكرتي الخرآفية ^^

شڪڕآ يآعڛڛڛڵ عآڵمۈضۈع آڵإپــــــدآع دخول العالم الجديد(4) 3706281718

مۈضـــۈع أڪثڕ من ڕآئع دخول العالم الجديد(4) 2413492280

أڪيد ڕآحـــ أنتظڕ چديدڪ آڵأحڵى ۈآڵأحڵى دخول العالم الجديد(4) 4177649710

سكرا فيكي تسان
روعهة

ماشاء الله رووووعه
ننتظر جديدك

واااااااااااهوووووو
سووووووووووووقوووووووووووووووي
هوووووووووونتوووووووووووونييييييييي
سووووووووقووووووووووي
><
هذا مرا حيييلو
شكرا على بارتيلا متحمسه للبارت الجااي
جانا

واو باين البارت الثاني روعهة
منتظرتك ياقميل

أٌڵَڛًڵٌأًمُ عُڵٌيٌڳُمِ دخول العالم الجديد(4) 1224253402

ۈٌڕِحٌمّة أِڵّڵُهً ۈّپِڕٌڳٌأَتّهّ
~~ڳًيُفّڳٌ~~؟أِخَپٌأِڕُڳً؟ دخول العالم الجديد(4) 3931991217

ڝَڕِأٌحَةً
ڵَأٌأَعِڕَفٌ دخول العالم الجديد(4) 362964777

مٌأُذُأِ أٌقِۈّڵٌ
أُڵَمٌۇۈۉضِۈٌعً ڕٌأًئعً چَدًّّأَ دخول العالم الجديد(4) 1404355761

» دخول العالم الجديد(5)
» دخول العالم الجديد(6)
» دخول العالم الجديد(7)
» دخول العالم الجديد(3)
» دخول العالم الجديد الجزء (2)