دخول العالم الجديد(3)

السلام عليكم ورحمة الله وبركاته

دخول العالم الجديد(3): New beginning
بعد ما خلصت هيروكا الكلام مع يوكيمورا دخلت الجهاز….
جاك بخوف : وين انا ؟ متى جيت هنا ؟ وشو السالفة ؟
هيروكا : بقولك كل شي بس اهدأ
جاك:اول شي قوليلي وين انا
هيروكا : انت في عالم ثاني غير العالم الحقيقي الي كنا فيه هذا عالم....... خيالي
جاك وعلامة استفهام على راسه : هاه
هيروكا : هذا عالم يخليك تدخل أي انمي او فيلم او مسلسل او قصة او أي شي تبيه......وتعيش اللحظة معاهم سواء حقيقة او انمي
جاك بابتسامة : اوك
هيروكا بابتسامة عريضة : وين الي تو كان خايف..... المهم ويمديك تتحكم بالزمن و المكان من هذا الجهاز اشرت على الجهاز الي دخلهم
جاك:اوك وليه مخفية هذا العالم عن الناس يعني ليه ما قلتي لأحد
هيروكا نزلت راسها : لان اذا احد شافني ادخل او شاف العالم راح يختفي العالم وأنساه ولا كأنه كان موجود
جاك : كيف؟؟...بس انا شفتك ودخلت كمان وما اختفى
هيروكا : ايه بس ما ادري ليه ما اختفى
جاك : اوك يلا خلنا نرجع تأخرت......الا كيف ارجع؟
هيروكا بابتسامة : لا ما تأخرت مو انا قلتلك اني اقدر اتحكم بالزمن
جاك : ايه.....بس ما فهمت
هيروكا : يعني يمديني اذا مر هنا يوم كامل....بالعالم الحقيقي تمر ساعة بس
جاك : واااو
هيروكا : المهم خلنا نرجع مالي خلق اشرح لك اوووف
جاك باستهزاء :ماحد قالك اشرحيلي <<<< كف
هيروكا تطالعه بنظرة تقول احسلك تسكت
كمل جاك : ترا كنت امزح هاهاها
هيروكا بابتسامة خبيثة : ترا احسلك ما تعصبني....بهذا العالم.....انا غير
جاك يبلع ريقه : كـ...كيف يعني غير
هيروكا تطالعه بنظرة خادعة وابتسامة ماكرة
خذت الجهاز ودخلوا ورجعوا بيت هيروكا
هيروكا جلست على السرير : اااه يلا خلاص انقلع
جاك راح عند الباب بيطلع منه
هيروكا : هيييء انت......الشباك (النافذة) هناك يا اهبل
جاك بابتسامة غبية : ايه صح انا جيت من الشباك هههه....ولا تقوليلي اهبل
هيروكا تتثاوب : طيب وسكر الشباك معاك
جاك عند الشباك : في شي ثاني طال عمرك
هيروكا :اممممم..لا بس انقلع
وراح جاك ورجع بيته
....اليوم التالي في المدرسة في الفصل....
بعد خروج المدرس المزعج <<<< تعليق جانبي
جاك : امممممم هيروكا في عندي سؤال على الي صار امس
هيروكا : وشو ؟
جاك : اممممم وش اسم هذاك المكان ؟
هيروكا بصوت خافت : ماله اسم بس انا اسميه العالم الثاني
جاك : طيب......ليه توطين صوتك
هيروكا بنفس الحال : عشان محد يسمعني
جاك : عادي لو سمعونا محد بيعرف وش نقصد
هيروكا ناظرته نظره جادة...تخرع جاك : وشو
هيروكا بجدية : الظاهر انك ما فهمت لازم تجي معي بعد المدرسة
جاك : وشو الي ما فهمته؟؟وش تقصدين ؟؟
ما ردت هيروكا ودخل الاستاذ وسكت جاك
بس ظل يتحلطم بنفسه :شكرا يا هيروكا الحين عقلي بينفجر
والغريب ان طول الحصة و هيروكا ما رفعت يدها وشاركت
استغرب جاك وشك ان في الشي لازم يعرفه
....في الكافتيريا....
طبعا هيروكا كالعادة تأكل كثيـــــــــــر بمعنى الكلمة
جاك : انتي دايما تأكلين كيذا ؟؟
هيروكا : ليه يعني اول مرة تشوفني اكل مثلا
جاك : لا عادتا اكون مو منتبه يعني اول مرة اشوفك تأكلين كيذا
: اذا انتي تأكلين كيذا دايما ليه ما تسمنين ؟
هيروكا : بقولك بعد المدرسة
جاك : ليه؟ .....اوه يعني تقصدين في العا.......اااااي وضربته هيروكا في رجله
جاك : اااي نسيت نسيت اااااه
هيروكا وهي تضحك : احسن.......عشان مرة ثانية ما تنسى
جاك ماسك رجله : ضربتك قوية ااااه يا......
قاطعته هيروكا بابتسامه ماكره ونظرات حادة : تذكر انا من......قبل ما تسب
جاك مازال متألم من الضربة
....بعد المدرسة في طريق العودة....
هيروكا : ااااخ اخيرا خلص الدوام
جاك يضحك : حسبتك تحبين المدرسة
هيروكا : هييي لا تقول زي كيذا انا ما احبها ولا يمكن ان احبها يععععع
جاك : طيب وشو الشي الي كنت تبين تكلميني فيه
هيروكا : لما نوصل بقولك
لما وصلوا عند بيت هيروكا وكانت هيروكا بتدخل من الباب
صرخ جاك : لااا لحظة بصوت عادي امممم انا بدخل من الشباك
هيروكا : ليه ؟؟
جاك : اممممم عشان ....
هيروكا : لا يكون مستحي
جاك : هاه لا مستحي من ايش
هيروكا :دامك مو مستحي اجل ادخل وسحبته ودخلته معاها
وجاك يحاول يطلع بس هي كانت ماسكته بقوة
صرخت هيروكا : انا رجعت
جت اختها ران وكانت لابسة زي تنكري على شكل قطة تركض كالعادة ووقفت وشافت جاك
وجاك منزل راسه ويحاول يسحب يده من هيروكا
ران : من هذا
هيروكا : هذا صديقي جاك
قربت ران منه وتطالعه ورفع جاك راسه وابتسم : اهلا
ضربته برجلها ران ومدت لسانها : ما احبك
وركضت وراحت...وجاك طاح على ركبته : انا ما غير انضرب اليوم
هيروكا تصارخ : ران تعالي واعتذري له
ران وهي تركض : ماااابي
هيروكا بابتسامة : ترا ما اعطيك حلاوة
وقفت ران عن الركض ورجعت عند جاك :انا اسفة
جاك :لا عادي على الاقل ضربتك مو زي ضربة بعض الناس وناظر هيروكا بحقد
هيروكا : خير ليه تناظرني
جاك : لا ابد ولا شي
ران تقفز عند هيروكا : يلا يلا وين الحلاوة
هيروكا : امسكي لا تموتين علي وتعالي ليه لابسة كيذا
خذت ران الحلاوة : لاني قطة ميااو وركضت زي الصاروخ لغرفتها :ما احبك يا زاك
هيروكا تصارخ : اسمه جاك مو زاك يا حماارة ومافي حلاوة بعد اليوم يا الكلبة
وجاك يطالعهم ويضحك
ومرت امها : اشش فضحتونا عند الجيران الجيران
ولاحظت جاك : هيروكا من هذا
هيروكا :هذا صديقي جاك
جاك : اهلا
امها بابتسامة : اهلا تفضل ..... عبست وجهها وناظرت هيروكا : ليه ما دخلتيه غرفة الضيوف <<< انفصام في الشخصية هع
هيروكا : هااه لا بنروح غرفتي عشان واجب المدرسة
امها : زين تبون اكل ولا شي
هيروكا : لا لا شكرا ما نبي شي
وامسكت هيروكا يد جاك وسحبته ولما وصلت الطابق الثاني كان يوكيمورا بوجهها وكان جاك هذا الي كان خايف منه وتذكر جاك ذاك اليوم الي تكلم فيه مع يوكيمورا وخاف انه يتذكره نزل راسه وتخبى ورا هيروكا
يوكيمورا : شفيك يا هيروكا كأنك شفتي جني
هيروكا بصوت خافت : والله شفتك
يوكيمورا : ايش
هيروكا : لا ولا شي
يوكيمورا لاحظ في كائن حي ورا هيروكا : من هذا
لفت هيروكا راسها : هذا صديقي جاك
يوكيمورا : اهلا جاك
جاك مد يده وهو ورا هيروكا : اهلا
يوكيمورا : شفيك ورا اختي ولما امسك يده سحبه على قدام
وعرف يوكيمورا ان هذا الي كان يدور القطوة ذاك اليوم
يوكيمورا ومازال ماسك يد جاك : انت
جاك بخوف : من انا <<<< مسكين نسى نفسه
هيروكا باستغراب : تعرفون بعض
جاك : لا اول مرة اشوفك بحياتي كلها
يوكيمورا : انت الي كنت تدور قطوتك الا انت
جاك : ايه هذاك ايه كان انا هاهاها
يوكيمورا بنبرة حادة وشد على يد جاك : انت بالصدفة صديق هيروكا وبالصدفة كنت بجنب البيت وبالصدفة كنت تحت شباكها هاه.....ما اتوقع انها صدفة
جاك : الا كانت صدفة
يوكيمورا : لا ما اتوقع انها صدفة......لا يكون انت تلاحق اختي
وسحب جاك يده اخيرا وهو ماسكها بيده الثانية : لا لا لا تفهم غلط
وهيروكا تطالعهم : هيي وش السالفة
يوكيمورا : انتي خليك على جنب واسكتي
هيروكا :
جاك : لا قطوتي كانت عند هيروكا ف فعشان كيذا جيت عشان
اخذها وكانت القطوة هاربا من هيروكا عشان كيذا كنت ادورها حول بيتكم كنت
ادور عنها ايه هذا الي صار
ناظر يوكيمورا هيروكا : كلامه صح
وتناظر هيروكا جاك : اكيد صح ليه بيكذب مثلا
ابتسم جاك يوكيمورا : طيب يلا انقلعوا عن وجهي
وامسكت هيروكا جاك وسحبته الغرفة وسكرت الباب وقفلته
جاك : ليه تقفلينه ؟
هيروكا : الحين بتعرف ليه
و طلعت هيروكا الجهاز ودخلوا
جاك طاح على وجهه
جاك : انا ليه دايما اطيح على وجهي وانضرب لما اكون معاك
هيروكا : وانا ايش دخلني فيك انت ما تعرف توقف وهاذي اول مرة تطيح فيها على وجهك معي
جاك بعصبية : لا.....اول مرة دخلت هنا طحت بسبب السخيف يوكيمورا
هيروكا تضحك : ياليتني شفتك هههههههههه
جاك متنرفز : هاهاها ما يضحك
:يلا وشو الشي الي انا ما فهمته
هيروكا : قبل كل شي امسكت اكتاف جاك كملت : غمض عينيك
جاك بخوف : ليه
هيروكا : غمض عشان تعرف ليه
غمض جاك عيونه وهو خايف هيروكا : الحين ابغاك ما تفكر في شي ....صفي ذهنك
ابعدت يدها كملت : ابغاك تحاول تسمع وش قاعدة افكر فيه تقدر ولا لا
فتح جاك عينه : اييش حسبت اني بسوي يوغا
هيروكا : يوغا في عينك ... بس اسمع كلامي وغمض عينك وحاول
غمض جاك عينه وحاول يسمع
هيروكا بنفسها : هييي جااك تسمعني يا غبي يالاهبل يا***** تسمعني يالغبي جااك .....الخ
فتح جاك عينه : ما اسمع شي
هيروكا : لاحظت من اول اسبك وانت ما قلت شي
جاك يصرخ : هااه كنتي تسبيني
هيروكا بهمس : بما انك اول واحد يجي من عالمي توقعت انه يصير
جاك بتوتر : ايش وش الي يصير
هيروكا : ولا شي......بس بجرب فيك شي اوك
جاك : اممممم طيب
نزلت هيروكا الشنطة الي كانت على ظهرها
جاك : اووه تو الاحظ الشنطة
طلعت هيروكا من الشنطة ابرة
خاف جاك : وش بتسوين ؟
ناظرت هيروكا جاك ودخلت الابرة بيدها وسحبت شوي من دمها
وقربت من جاك : لا لا هيروكا انا ما احب الابر
هيروكا : اووه يعني تخاف منها
جاك : امممممم تقريبا
هيروكا بابتسامة : عادي لما يغمى عليك ما بتحس بشي
جاك بخوف : يـ...يـغمى علي
ابتسمت هيروكا وطلعت مسدس من جيبها وقربت من جاك
جاك يصرخ : لا لاااا مابي امووت لااا ان صغير مابي اموت ابي اعيش لاااااااا
هيروكا تناظر جاك بنص عين =___= و ضربت جاك بالمسدس ما طلقت ضربته على راسها واغمى على جاك
بعد فترة قام جاك ولقى نفسه على سرير جلس بسرعة وحس انه دايخ و امسك راسه وشاف هيروكا قدامه معطيته ظهرها وكانت تسوي شي لاحظ جاك انه بغرفة كبيرة وبيضة وحلوة بس الي مشوه الغرفة الاسلحة الي بكل مكان
جاك : وين انا
التفتت هيروكا لجاك وبيدها كوب شاي وتحركه بالملعقة : اووه صحيت اخيرا
جاك : لا لسى نايم ..... وين انا ؟
هيروكا : لا تستهبل لا بالشاي على وجهك.... انت بغرفتي
جاك متفاجئ : رجعنا العالم الحقيقي ؟
هيروكا : لا.....هذي غرفتي في العالم الثاني
جاك :عندك غرفة في هذا العالم ؟
هيروكا : اصلن هذا البيت بيتي ..... تتوقع اني بقعد هنا بالشارع....اكيد لا لازم اشتري بيت..... انا مرات انام هنا
جاك : كيف تنامين هنا ما يحسون اهلك انك مو موجودة
هيروكا : اووف يا جاك انت ما تفهم .... قلتلك اقدر اتحكم بالزمن
جاك : اييه صح نسيت
حس جاك بألم بيده ناظرها وشاف علامة ابرة صرخ : لااا وش دخلتي فيني.......ليييه ؟؟؟
هيروكا : اسكت صوتك مزعج ما دخلت شي بس.....شوي من دمي
جاك : ليييه ؟
سحبت هيروكا كرسي جاك خاف يحسب انها بتضربه
ضحكت هيروكا وجلست على الكرسي بجانب السرير
هيروكا تحرك الشاي الي بيدها : لا تخاف ما بضربك
:تبي تعرف ليه دخلت دمي فيك
جاك : ايه
هيروكا : ابغاك تسوي نفس الي قلتلك عليه غمض عينك وحاول تسمع بالي افكر فيه
جاك : اووف جربت وما نفع
هيروكا بابتسامة : طيب جرب الحين
غمض جاك عينه وحاول وسمع جاك صوت بعقله يقول الصوت : هيي يا اهبل يا غبي يا جاك تسمعني هييييي








فتح جاك عينه بقوة يصرخ : هييي لا تسبيني
ابستمت هيروكا : سمعتني
جاك يصرخ : اييه سمعتك بهدوء انا...سمـ ....سمعتك
بس كيف ؟
هيروكا : لاني دخلت دمي فيك الحين عندك نفس قدراتي
جاك : قدراتك ؟ أي قدرات ؟وعيونه جاحظة:يعني تقدرين تطيرين
هيروكا : اسفة لتحطيم احلامك بس لا يا غبي انا مو سوبر مان
قدراتي مثل اقدر اسمع افكار كل ال ي في هذا العالم واقدر اخليهم يسمعون اذا انا ابغى وكمان للي عندهم دمي اقدر اخليهم ما يسمعوني بس ما يقدرون يخلوني ما اسمعهم مثلك كمثال
جاك : اهاا.....بس هذي قدراتك
هيروكا : لا
جاك : طيب وشو كمان
هيروكا بابتسامة عريضة :انت اكتشفها بنفسك
جاك يناظر الشاي : بيبرد الشاي وانتي ما شربتيه ناظر هيروكا
هيروكا تناظر الشاي : ما احب الشاي ناظرت جاك هذا مو لي
جاك : لمن ؟؟
مدت الشاي لجاك : لك
اخذ جاك الشاي : بس مالي نفس للشاي
قامت هيروكا من على الكرسي : لازم للي ياخذون دمي بعده يشربون شاي
جاك بعد ما شرب رشفه : متأكدة....يعع الشاي برد
هيروكا ببرود : لا العب عليك بس عشاني سويته ومابي ارميه ومابي اشربه
جاك يصرخ : وعطتيني اياه وش شايفتني زبالة
لفت هيروكا لجاك وهي تدخل الرصاص بالمسمدس ببرود : لا تصارخ ترا مو لازم يسمعونك الجيران يا .... اهبل
جاك وضع كوب الشاي على جنب وقام من السرير : اااه من متى وانا...نايم
هيروكا تناظره بنص عين : تقصد مغمى عليه امممم يمكن ساعة ونص او اكثر
جاك : اوووف ساعة ونص
:طيب متى بتقوليلي عن الي تبين تقوليلي اياه
هيروكا التفتت له : ايه بقولك بس لازم نطلع بالاول
جاك : وين ؟ خلاص مو لازم اعرف وين .... بنتظرك برا
هيروكا : اوك
فتح جاك الباب وكان هناك شخص.......

يتبع......
ارجو ان تكون القصة نالت على اعجابكم
اذا كان في اخطاء املائية او كلمات غير مفهومة قولولي

اممممم قولولي اذا طول القصة مناسب اذا طول القصة مو مناسب قولولي عشان اطوله المره الجاية
يعني قولولي كم من 10 طول القصة

اقترحاتكم انتقداتكم واراؤكم لا تحرموني منها
امممممم سوري ع التأخير كنت مشغولة وما قدرت اخلص بدري


الموضوع الاصلي: http://www.nut-w.com/vb/showthread.php?t=27746#ixzz2HwHYqUZ5

واو باين البارت الثاني روعهة
منتظرتك ياقميل