دخول العالم الجديد(5)

ودخل الشخص من الشباك كان شعره اسود ولون عيونه رمادي فاتح وجاك يناظره وسكت عشان ما أعصب بس انا كنت ادري انه موجود
بهدوء : ليه رجعت
الشخص وهو جالس على الشباك بابتسامة : لا بس انتي ما كنتي متأكدة انك تبيني اطلع ..... وانا طلعت انتي ما قلتي لا ترجع
التفت له : انت ........ تبي الجهاز صح
الشخص : هااه لا لو ابيه كان قلت
بانفعال : من ارسلك
الشخص : مافي احد ارسلني .......... هيروكا شفيك نسيتيني
ابتسمت : كيف انسى واحد مثلك ابتسم الشخص كملت : واحد غبي سخيف مزعج وحمار
ضحك الشخص : يعني انتي ما نسيتيني
التفتت للشخص : اذا تبي الجهاز روح اذا مو عشان الجهاز........
الشخص : لا مو عشان الجهاز
تنهدت : عرفت وش تبي
الشخص : بدري
: انت تبي تزعجني
الشخص : تقريبا قربتي نزل من على الشباك
كمل وهو يتمشى في الغرفة : انا جيت هنا عشان اعرف من الي اخذ مكاني وكان يناظر جاك
جاك : خير ليه تناظرني
الشخص : لا بس اتأمل
جاك : اصلن مين انت
الشخص بابتسامة : اوه اعذرني نسيت اقدم نفسي بنفسه : اصلن ما كنت ابي اقدم نفسي كمل : انا اسمي جاك نفس اسمك بس نادوني مايكل ...... عشان هيروكا ما تلخبط بينا
بتطنيزه : مايكل لا مو حلو مايكل ما يصلحلك
جاك بهمس : يعني الخادمة المحششة كانت تقصده
التفت لجاك : أي خادمة ما عندي خادمة محششة لا يكون كانت تشرب الظاهر اني بطردها
جاك : لا لا ما كانت تشرب بس انا سميتها المحششة
بنص عين : فاضي تقعد تسمي الخدم
جاك الثاني (مايكل حاليا) : هيروكا اذا مو عاجبك الاسم عادي غيريه براحتك
التفت له : اغيره هممممم امسكت ذقني وقعدت افكر
جاك : ممكن اقول شي.........انا لاحظت انك ما تتكلم بالفصحى يعني انت مو من هذا العالم وبما ان هيروكا قالت ان انا اول من جا من عالمها يعني مستحيل تكون من عالمنا يعني انت من وين
التفت لجاك : وااو جاك ما توقعتك ذكي زي كيذا
: وبمناسبة هو من وين هو مو من عالمي ولا من هذا العالم هو جا هدية مع الجهاز
جاك : اها يعني لما جا الجهاز هو كمان جا لو اختفى العالم هو كمان يختفي فهمت
بنص عين : ما توقعتك بتفهم
جاك : انا مو غبي كنت جديد و ما اعرفكم بعدين برمجت مخي على معانيكم وطريقة كلامكم وصرت افهمكم
بتفاجئ : برمجت ليه انت الي @___@
جاك : كان تعبير مجازي وقصدي هو اني عرفت كيف طريقتكم في الكلام طريقتكم انكم تتكلمون بالالغاز








: ما كنت ادري اني اتكلم بطريقة الالغاز جاك انتي ليش تدقق في اشياء تافهة
جاك : انا سميتها بطريقة الالغاز لان انتم الوحيدين الي يتكلمون بهذي الطريقة وطريقتكم مالها اسم سميتها بالالغاز لان محد يعرفها
: وهي مو تافهة انتي تقولين كيذا لانك عارفتها بس لو تكلمتي مع الناس بطريقتك هذا وجهي اذا فهموا
ضحكت : فهمت قصدك
مايكل بنص عين : خلصتوا من سخافتكم
جلست على الكرسي : صح نسيت افكر في اسم احسن من مايكل هممممم
جاك : مايكل انا عندي لك سؤال
مايكل ويدينه بجيبه : تفضل
جاك: وش كانت تقصد الخادمة لما كانت تتكلم عن تحولك
مايكل : تحولي؟!!...........ايه اعتقد كانت تقصد اني اغير شكلي
جاك : يعني حتى انت عندك قدرات بدون دم هيروكا
مايكل : ايه لاني تقريبا من هذا العالم ومن عالمكم
حطيت يدي على الطاولة وسندت راسي عليها
قرب جاك مني : هيروكا انتي بخير
ضرب مايكل راس جاك من ورى
جاك : ااااااه
مايكل : ما فيها شي بس قاعدة تفكر
سكت جاك ومايكل ورفعت راسي وصرخت : لقيتها
لقيت اسم يناسبك
مايكل : لهاذي الدرجة صعب انك تلقين اسم يناسبني
: كل تبن.....المهم الاسم الي يناسبك هو..........زاك
:تذكرت مرة ران ضربت جاك وقالت زاك عشان كيذا اخترت الاسم
ضحك مايكل (زاك حاليا) : بنت صغيرة تضربك
عصب جاك : محد سألك ليه اخترتي الاسم
ببرود: لازم اقول السبب
جاك : ليه
ببرود: كيفي
جاك : =____=........المهم يلا نرجع زهقت
وقفت وتوجهت ناحيت جاك : طيب يلا
كنت باخذ الجهاز من جيبي وفجأة سقطت على الارض واغمى علي
صرخ جاك : هيروكا
زاك : لا عادي هذا شي طبيعي اصلن كنت انتظره من اول وسحب زاك الجهاز من جيبي
جاك : يعني مثل الي قالته هيروكا انت تبي الجهاز
زاك : لا يا حمار كنت برجعك
جاك : اوه طيب وش بيصير لهيروكا
زاك : بتقوم ولا كأن صار شي
جاك : لا قصدي وش بتسوي فيها
زاك : بأكلها............شرايك يعني باخذها معي
جاك @__@ : وين و ليه تأخذها
ناظر زاك الساعة الي على يده : مافي وقت واسئلتك ما تخلص
دخل زاك جاك في الجهاز ورجع جاك العالم وكان في غرفة هيروكا وطلع من الشباك ورجع البيت وهو يتسائل وش بيصير لي
في هذي الاثناء في العالم الثاني بعد فترة قمت ولقيت نفسي في غرفة ثانية جلست على السرير وامسكت راسي وحسيت بدوخة و لاحظت ان هذي غرفة زاك
فتحت عيني بقوة وصرخت : الجهاز وصرت امسك جيوبي ادور عن الجهاز وكان زاك جنب السرير متسند على الجدار ويلوح بالجهاز : تدورين عن هذا
ناظرته بحقد وكره : كنت عارفة انك تبي الجهاز
زاك : لا قلتلك مابيه بس كنت ارجع صديقك لعالمه
ورمى الجهاز علي وامسكته
قمت من على السرير : طيب ليه جبتني هنا
زاك بتوتر : اااااااااه عشان ابيك تشوفين بيتي غيرته
قعدت اتلفت يمين ويسار . بنص عين : مافي شي تغير
:اوف على اي حال بروح
طلعت من الشباك لانه كان اسرع من اني انزل من الدرج ولما نزلت شفت هيروما
هيروما ببرود : لقد اتيت ماذا تريدين
باستغراب : ناديتك ؟؟
وسمع زاك صوت هيروما وقال بتوتر : اوه نسيت وبسرعة طلع من الشبك و وقف وراي
هيروما وهو يشير لجيبي : نعم لقد اتصلتي بي من هاتفك
ناظرت جيبي : اصلن وين جوالي وكنت امسك جيوبي ادور عن جوالي وكان زاك يرجع على ورا شوي شوي
التفت لزاك : زاك وين جوالي
زاك : اوووه تقصدين هذا رماه علي وكمل ايه صح نسيت اعطيك اياه
وركض ودخل البيت من الباب الرئيسي
استغربت : هيروما لما اتصل عليك هذا الاهبل وش قال
هيروما : ليس الكثير لقد قال (هيروما احتاج مساعدتك
تعال بسرعة انا في بيت زاك) وكنت اسمع ضوضاء وكأنه كان يقاتل شخص او
بالاحرى اشخاص
بنفسي : يتضارب مع ناس...........لحظة!! وركضت متجهة للباب الرئيسي وهناك شفت زاك يصرخ : بسرعة بسرعة قبل ما تجي هيروكا
التفت زاك وشافني : خلاص خلاص شافت
كان البيت مكسر والاشياء طايحة مشيت ناحيت زاك
: ليه ما قلتلي انهم هاجموك
زاك : كيف اقولك كان مغمى عليك
: ولما قمت............. انت اصلن كنت تنتظرهم صح
زاك : صح كنت اعرف انهم بيجون
: عشان كيذا جبتني هنا لانهم كانوا بيهجمون في بيتي وانت جبتهم هنا بس....... ليه
زاك : لانهم كانوا كثيرين وكانوا بيكسرون بيتك لو ما جبتهم هنا
: وانت ليه فجأه صرت تهتم
امسك كتفي : انا من زمان اهتم بس انتي ما لاحظتي الى لما جاك صار موجود ابعد يده عن كتفي
بانفعال : زاك انت عمرك ما اهتميت لا تقول عشان جاك انت دايما تدمر حياتي أي عالم اروح له او أي شخص جديد اعرفه تروح وتخرب كل شي
زاك : انتي تسمين مساعدتي لك اني ادمر حياتك انا اسوي الي انتي تبين تسوينه بس ما تقدرين
صرخت : ما اقدر لاني مابي لانه بيدمر حياتي عمرك ما بتفهم التفت وتوجهت نحو الباب وطلعت وكان هيروما مازال
موجود وكان يتكلم مع شخص غريب ما اهتميت وكملت طريقي وصرت اتمشى في
المدينة وكنت افكر في كلمته (انا دايما اهتم) هو كان صادق لما قال كيذا ولا
هاذي وحدة من خدعه و صرت امشي لي ساعة ونص وقفت وصرت اتلفت يمين وشمال
بنفسي : لا يكون ضعت وبعد نص ساعة من المشي بنفسي : يب الظاهر اني ضعت وشفت مجموعة ناس قدام ومنهم كان زاك مشيت قدامه ولا كأني شفته سحبني من قميصي على ورى بنص عين : يعني ما شفتيني
بدون لا التفت له : واذا شفتك لازم اوقف
امسك يدي وسحبني : ابي اكلمك وسحبني وصار يركض في اماكن غريبة وركب فوق سطح بيت من البيوت سحبت يدي : يلا وش تبي تقولي
زاك : ابي افهمك على الي صار
: مو لازم
زاك : الا لازم انتي تدرين من الي هجموا
كتفت يديني : لا..........مين ؟!!
زاك بتوتر : هااه هم لحقوني من ........
: من وين ؟!!
زاك : من عالم ثاني
استغربت : من عالم ثاني...... كيف من عالم ثاني
زاك : لا قصدي من فيلم ثاني يعني من مكان ثاني غير هذا
: كيف دخلوا هنا
زاك بتوتر : اااااااه هههه ااااه
صرخت : خلصني كيف دخلوا
زاك : اممممممم لما انا دخلت هذا العالم الثاني دخلوا وراي
: كيف...مستحيل
زاك : لاني.................دخلت بطريقة ثانية
: مافي طريقة ثانية ............. زاك وش سويت هاذي المرة
زاك : لازم اخذك مكان
: ليه؟!!
زاك : بتعرفين هناك
: طيب خذني هناك
قرب زاك مني وامسك يدي وغمض عينه وانتقلنا لمكان ثاني كان المكان كله اسود ما اشوف شي الا نور من بعيد
استغربت : كيف سويت كيذا
زاك بتوتر وبابتسامة : امممممممم
: خلاص خلاص مابي اعرف
لاحظت ان زاك كان خايف ومتوتر من شي وهاذي اول مرة زاك كيذا...............وصلنا عند النور وكان في باب كبير فتح زاك الباب واشار بيده على داخل : تفضلي
ناظرته باستغراب ودخلت وكان المكان كبير وكان في كراسي على مدرج
<<< تذكرت الجامعة =___= <<< مع اني ما وصلت الجامعة
وفي النص عمودين واحد طويــــــــــــل والثاني قصير
زاك بصوت خافت : هيروكا انا اسف وتسكر الباب التفت على زاك وكان في كائنين غريبين كأنهم وحوش ملابسهم متشققة واحد منهم كان ورا زاك وماسك يده وواحد كان وراي معاه عصا ضربني فيها واغمى علي
بعد فترة قمت وكنت مربوطة في عمود في النص كنت في العمود القصير التفت وكان
زاك في العمود الطويل بس كان فوق في قمة العمود وانا كنت تحت وكان المكان
كله وحوش غريبة ومعاها عصيان و مطارق وفجأة دخل وحش غريب اكبر منهم كلهم
ولونه اغمق من لونهم وجلس على الكرسي الكبـــــير صرخ الوحش الكبير على
الوحشين الي جنبي بس ما كنت اسمع وش يقول وجا واحد من الوحشين وضربني على
راسي بالعصا بس ما اغمى علي مثلت ان اغمى علي وحملوني على طاولة وكنت مقيدة
باصفاد متصلة بالطاولة وسمعتهم يقولون : سوف يصل الدكتور من عالمها بعد قليل
واحد من الوحوش : لكن لماذا من عالمها
ودخل شخص وسمعتهم يتكلمون بصوت خافت غمضت عيني و فتحتها بعد فترة وكان في شخص قدامي فتحت عيني بقوة : لا مسـ.....مستحيل .........جاك
وكان جاك لابس ملابس دكتور
جاك بابتسامة : جيت اساعدك
حررني من الاصفاد جلست وانا ماسكة يدي على المكان الي قيدوني فيه : كيف بنهرب
جاك وهو يناظر الباب : لقيت طريق سري
نزلت من على الطاولة : يلا ابغى اطلع من هذا المكان المقرف
سحبني جاك من يدي وطلعنا من الغرفة وكانوا كل الوحوش موجودة بس مو منتبهين وما شافونا التفينا حول الكراسي .بنص عين : هذا الطريق السري
التفت جاك : تبغين تمرين من قدامهم روحي
لما وصلنا عند الباب الكبير وكنا بنطلع وقفت التفت جاك : شفيك يلا بسرعة قبل ما يعرفون اني لعبت عليهم
ناظرت جاك : لحظة نسيت زاك ورجعت اركض للداخل وقبل ما ادخل في النص ويشوفوني شفت جنبي منشار ابتسمت واخذته وركضت بسرعة للعامود الي زاك مربوط
فيه وقطعته بدون تفكير .استوعبت انه الحين بيطيح وتركت المنشار وركضت
احاول اوصل قبل العامود بس العامود كان باقي شوي ويصدم بالارض وفجأة وقف
العامود ولما وصلت كان واحد من الوحوش ماسك العمود وطلع من وراه جاك وبيده كهرباء مأشر فيها على الوحش ابتسمت وطلعت سكينة من جيبي وحررت زاك و كان مغمى عليه حملته على ظهري وركضنا عند الباب قبل الوحوش ما تجي وقفت مرة ثانية ونزلت زاك من على ظهري وعطيته جاك .وانا ماسكة زاك : امسك اطلعوا انا بلحقكم بس في شي نسيته والتفت وركضت على داخل وجاك يصرخ : هيروكا ولما
دخلت اجتمعوا علي الوحوش رفست الي قدامي في بطنه ونطيت فوقه وتعديته و صرت
اتلفت يمين ويسار وشفت رئيسهم يطلع من الباب الي فوق المدرج ركضت على فوق
ناحيت الباب وجا واحد من الوحوش قدامي.بابتسامة ساخرة : اين تظنين انك ستذهبين
وكان معه مطرقه في كل يد اخذت الكرسي الي جنبي وضربته على راسه وعلى طول
طاح وركضت ناحيت الباب وفتحته بقوة وكان رئيسهم يركب الهليكوبتر يحاول يهرب
طارت الهليكوبتر وطلعت رشاش بسرعة من جيبي وطلقت على ذيل الهيلكوبتر وطاحت
وانفجرت ركضت ناحيتها وشفت الطيار وحارسين بس ما شفت رئيسهم التفت لقيته
يزحف يحاول يوصل للباب حطيت رجلي على راسه وبابتسامة عريضة : وين تفكر انك رايح ودخلت يدي في جيبه واخذت شنطة صغيرة وحطيتها بجيبي : عيب انك تأخذ اغراض الناس ورفست
راسه لدرجة انه طار @___@ وتوجهت ناحيت الباب وتنفست الصعداء وفتحت الباب
بحماس وتفاجأت ان كل الوحوش ميتة وكانوا كلهم فوق بعض وكان جاك و زاك فوقهم ناظرتهم وابتسمت ونزلت عندهم ونزلوا من على الوحوش : انا قلتلكم روحوا
زاك بابتسامة عريضة : يعني تتوقعين اني بروح مثلا
جاك بابتسامة : وانا جيت اساعدكم تبين اروح وانا ما ساعدتك
عانقتهم وامسكت راس زاك وراس جاك وضربتهم في بعض
زاك و جاك صرخوا مع بعض : اااااااااه ليه
كتفت يديني ومديت برطم : احسن لانكم ما خليتوا ولا وحش عشان اقتله
اشار جاك بصبعه وراي : هناك في وحش
التفت بحماس وماشفت احد وحسيت بشي على رجلي ناظرت تحت ولقيت وحش صغير معاه سكينة : موتي موتي
ناظرته بنص عين ورفسته وطار بعيد
والتفت على جاك و زاك : هذا صغير
زاك : انتي قتلتي الرئيس واثنين منهم ما يكفي
لفيت راسي : لا بس رفست راسه وطار راسه وما استمتعت وانا اقتل الاثنين لانهم على طول ماتوا
جاك فتح عينه بقوة : طار راسه مرة وحدة
بنص عين : هم اصلن تشكلات عظامهم خفيفة ومتهالكة عشان كيذا اذا سحبت مثلا اذنهم على طول تطلع لاحظت هذا لما قتلت الاثنين الي كانو في طريقي
زاك بتطنيزه : تشكلات هااه ناظرته بابتسامة : كل تبن
التفت جاك على واحد من الوحوش الميته وسحب اذنه وطلعت استانس جاك وصار يلعب فيها <<< الله يقرفه =____=
ناظرت زاك : مو انت كان مغمى عليك
زاك ابتسم : لا سويت نفسي مغمى علي
ضربته على راسه : وخليتني ارفعك على ظهري يا الدب
زاك ماسك راسه : ما رفعتيني الا 10 ثواني
ناظرت الباب : المهم يلا نطلع المكان يقرفني
رمى جاك الاذن : يلا
ومشينا و طلعنا برا الباب و وقفنا : بس المكان مظلم كيف بنشوف
التفت ادور عن الحارس الي كان هنا : وين الحارس
زاك بتوتر : هههه كمان قتلناه
التفت على زاك وصرخت : كمان هو يا حمار وضربت زاك على راسه


يتبع.....

الموضوع الاصلي: http://www.nut-w.com/vb/showthread.php?t=28336#ixzz2HwRJBYjP